قاعده التمثال

السلام عليكم

ازيك يا حاجه سونا .... كتبت الرؤيا دى من ثلاثه ايام فى الموقع ..مش عارف حذف ولا انا اللى جالى الزهايمر ... ..
الرؤيا دى بقى لها حوالى ال7 سنين بس فاكر معظمها ... ... شاكر مقدما يا حاجه ...
الرؤيا
شوفت نفسى رايح اركب عربية ميكرباص اظن انها لونها ابيض .. وكنت ماشى من طريق طينى (مش طين ... لاء اقصد طريق غير مسفلت )

وبعدين روحت مشيت مع شخص لا اعرفه وسمعت صوت قرآن كريم وكان فيه باب دخلت الباب ده
او دخلنا الشخص اللى معايا طلعت المكان شوفت الريس حسنى مبارك وناس كتير ...
وبعدين شوفت بنت او ست المهم هيه انثى ...بس جميله اعطتنى عجلة (العجله كان متنيه او مطويه ..زى اجهزه الرياضيه الحديثه) فردها او هيه اللى فردتها .. اعتقد ان العجله كان لونها ارزق او لبنى ..
ركبت العجله وهيه كمان ركبت العجله ومشيت بالعجله وهيه قصدى على الطريق ... مره اسرع انا ومره هيه تسرع
وبعدين انا اسرعت من سرعتها وسبقتها ... وفجأه وقفت البنت قدامى لانى كنت هقع فى حفره عميقة فى الطريق(الطريق زى ما تقولى كان مكسور فى النص .... اقصده انها وقفت قدامى عشان تحمينى ..ان اقع فى الحفره ( وقفت قدامى عشان مقعش ) ..... وبعدين روحنا او اخذتنى الى قاعده تمثال شوفت عليه اطفال بيحبو بس اطفال كتير اللى لسه طالع على القاعده واللى قاعد على القاعده ..
انا فضلت انزل فى الاطفال عشان عايز اطلع انا اقف على قاعدة التمثال ....

انتهى

مش فكر بامانه نزلت معايا الاطفال ولا لاء